0
EN

جمعة: أعرف نقاط ضعف سيسيه

أكد وائل جمعة مدافع الأهلي أنه يعرف كل نقاط قوة وضعف عبد الله سيسيه مهاجم الزمالك قبل لقاء القمة المرتقب يوم الأحد المقبل.

وقال جمعة لـFilGoal.com "سيسيه كان زميلي في السيلية القطري، وكنت أتمنى أن يلعب معنا في الأهلي قبل حتى أن ينضم للمصري".

وتابع "أعرف تماما كل نقاط قوته وضعفه، وقادر على إيقاف خطورته في مباراة القمة".

ويلتقي الأهلي مع الزمالك في الجولة الثانية لدور المجموعات بدوري أبطال إفريقيا مساء الأحد المقبل على استاد الكلية الحربية.

وأضاف جمعة "أشعر بشوق كبير للعودة للملاعب بعد الإصابة التي أبعدتني لفترة، ولدي ثقة كبيرة في استعادة مستواي أمام الزمالك".

وأكد جمعة أنه على الرغم من غياب الجماهير إلا أن القمة تظل بنفس قيمتها خاصة أن الفريقين في حاجة كبيرة لنقاط المباراة الثلاث.

ويمتلك الأهلي ثلاث نقاط من الفوز على مازيمبي في الجولة الأولى بينما يبقى الزمالك بلا رصيد بعد الخسارة أمام تشيلسي الغاني.

وغاب جمعة عن مواجهة الأهلي والمصري الأخيرة التي سجل فيها سيسيه الهدف الثالث في مرمى الفريق الأحمر.

تعليقات فيلجولرز (9 تعليق) اضف تعليق

mohmedbeckham   الأربعاء ، 18 يوليو 2012 - 14:27

يارب يا هادي !!!!‏

9

دمكو خفيف قوووي كلكو والله ‏ وحاسس انكو بتناقرو في بعض في ايام الحضانة !!!‏ كل واحد مش عجبة تعليق التاني يبقي لازم يدخل يتريق علي ويشتمو !!!‏ بجد ربنا يهديك !‏ وكل سنه وانت طيب @ رمضان كريم
alahlytop   الثلاثاء ، 17 يوليو 2012 - 19:42

انباوى وامثاله

8

طبعا ده اللى انت عاوزه الناس ترد عليك وتعمل جو . فعلا كل الحرب دى علشان تشجع الاهلى او الزمالك لان شعبيتهم بدونك ضايعه
EnppiLover   الثلاثاء ، 17 يوليو 2012 - 18:35

نكتة الموسم

7

هههههههههههههههههههههههههه الى الاخ alahlytop
عرفت منين ان عندى 16 سنة نات بتقرى الكف ولا ايه؟؟؟
انا عندى 21 سنة وانا مبقولش تصريحات مستفزة ولا يعنى لازم اشجع اهلى او زمالك واكتب كومنتات تخصههم عشان ابقى كويس
ايه العيب فانى بحب نادى اخر غير الاهلى والزمالك؟؟؟
واخيرا اول مرة اعرف ان كلمة انباوى بتوجع كده :) ... طب انباوى انباوى انباوى



انباوى وافتخر .... والى مش عاجبه ينتحر
__________________________
انشر يا فير خلى الناس تفوق بقى
alahlytop   الثلاثاء ، 17 يوليو 2012 - 18:13

موضه التصريحات المستفزة

6

كثيرا جداً مانقرأ تصريحات مستفزه من لاعبين مثل صلاح سليمان وكلامه ان الاهلي فرقه واقعه او من أشخاص هنا مثل هذا الانباوي والعذر له انا لايتعدي عمره 16 سنه وعاوز يعمل شويه هيصه وغيره لكن اكثر تصريح استفزني اليوم هو تصريح لإسماعيل يوسف وكلامه ان هاني رمزي ( انا غير مقتنع به كمدير فني لمنتخبنا الأولمبي ) قال اسماعيل ان هاني رمزي يكيل بمكيالين لصالح الاهلي لانه وافق علي رجوع لاعبي الاهلي الكبار رغم انه وافق لانه أخذهم باتفاق ودي ولو رفض الاهلي فلا يوجد ادني مشكله ولكنه رفض عوده الأولمبيين وهم اثنان للأهلي ومثلهم للزمالك واقل شخص يتابع الرياضه يعرف هذا. لكن الكابتن يوسف كذب علي نفسه وصدق الكذبه رغم ان ابنه أكيد هيرد عليه لانها واضحه جداً. مش عارف متي نفهم ونفكر قبل ان نتكلم. يارب ارحمنا من الأغبياء
EnppiLover   الثلاثاء ، 17 يوليو 2012 - 17:33

ههههههههههههههههههه

5

الى الاخ zera3a_english
انا ميلزمنيش اصلا اشوف متش للاهلى والمصرى بس عبد الله سيسيه تقيل على وائل جمعة اوى وبكرة هتشوفوا ...
انا مش بقلل من قيمة وائل جمعة بس هوه راجع من الاصابة ومستواه قل وعبد الله سيسيه صعب عليه



انباوى وافتخر ...... والى مش عاجبه ينتحر
___________________
انشر يا فير
MeisterSaM   الثلاثاء ، 17 يوليو 2012 - 16:21

إيه الكلام ده؟

4

الواحد كل ما بيكبر كمشجع بينزل عن مستوى الاستفزاز وكلامه بيكون منطقي أكتر وموزون .. عشان ما يديش المنافس بونط عليه او حوافز إضافية

سيسيه كان زميل لجمعة .. هو أينعم جمعة ما غلطش وكل لاعب له نقاط قوة ونقاط ضعف، لكن جمعة كان المفروض يتكلم عنه بشكل أكثر إيجابية ويحاول يدخل الحوار أو الردود بشكل أكثر ودية على سياق: "أهلا بسيسيه زميل الأمس" ، إلخ .. أي كلام يعني يحاول يخرج بيه من دايرة موقع "واقع" بيحاول يعمل أي فرقعة والسلام ومحررين سمهم البحث عن السم في التصريحات

كنت اتمنى من جمعة تطبيق قرار البدري بعدم التصريح

zera3a_english   الثلاثاء ، 17 يوليو 2012 - 16:8

رد لواحد مالوش فيها

3

عم الحبوب يا بتاع انبى

وائل جمعة ملعبش ماتش المصرى عشان كان موقوف .. صباحه ابيض

مش متفاجئ انك بتشجع انبى الحقيقة :)

Mando33ahly   الثلاثاء ، 17 يوليو 2012 - 16:7

enppi lovers

2

ملحوظة وائل جمعة ملعبش متش الاهلى و المصرى اصلا
EnppiLover   الثلاثاء ، 17 يوليو 2012 - 15:52

ههههههههههه

1

يعنى يا جمعة مكنتش عارف توقفه فى متش االهلى والمصرى وجاب فيكم جون دلقوتى وانت راجع من الاصابة ومستواه بقى فى النازل عايز توقف عبد الله سيسيه !!!!!
صعبة دى عبد الله سيسيه لاعب رأئع ومستخسره فى الزمالك وكان نفسى ييجى انبى ع العموم خيرها فى غيرها والبركة فى ديفونيه وياكوبوب ديارا المهاجم الجديد



انباوى مدى الحياة ...... فنحن اصحاب الكاس
______________________________
انشر يا فير

اضف تعليق

مرحبـــا!

لكى تتمكن من تسجيل تعليقاتك لابد من تسجيل دخولك أولا
تسجيل دخول

اخر الأخبار

نرشح لكم

تغريدة - صلاح.. يسقط كل من خان، أوسكار إيتو وويليان إنفوجرافيك - صلاح أمام سندرلاند .. مراوغة واحدة لا تكفي بانينكا الحضري بين أهداف رائعة كأس العالم فريق الأسبوع 17

الأكثر مشاهدة خلال اسبوع